რეკლამის რეჟისურა

რეკლამის რეჟისურის კურსის მიზანია მონაწილეებმა შეისწავლონ რეკლამისა და კინოს რეჟისურის ძირითადი პრინციპები, რეჟისორის როლი პროექტის შექმნის ყველა ეტაპზე და შემოქმედებითი ხედვის პრაქტიკულ შედეგად გარდაქმნის პროცესი. 

კურსი მოიცავს პროექტის კონცეფციის დამუშავებას, სცენარის ანალიზს, ვიზუალური ხედვის ჩამოყალიბებას, გადამღები გუნდის მართვას, მსახიობებთან მუშაობას, გადაღების დაგეგმვასა და პოსტპროდაქშენის პროცესებს. მონაწილეები გაეცნობიან სარეჟისორო გადაწყვეტილებების მიღების პრინციპებს, კლიენტთან და სააგენტოსთან თანამშრომლობის სპეციფიკას, პროექტის ბიუჯეტირებასა და საბოლოო ნამუშევრის წარდგენის მეთოდებს. 

რეკლამის რეჟისურის კურსის შედეგები

კურსის დასრულების შემდეგ მონაწილეები შეძლებენ:

• განმარტონ რეჟისორის როლი, პასუხისმგებლობები და შემოქმედებითი თავისუფლების ფარგლები სარეკლამო და კინოპროექტებში, ასევე განსაზღვრონ რეჟისორის, სააგენტოსა და კლიენტის თანამშრომლობის სპეციფიკა;
• გააანალიზონ შემოქმედებითი ბრიფი და სცენარი, შეადგინონ სცენარის სამუშაო დანაწილება (Script Breakdown) და მოამზადონ სარეჟისორო თრითმენთი (Director’s Treatment);
• დაგეგმონ პროექტის მოსამზადებელი ეტაპები, შეარჩიონ ლოკაციები და გადამღები გუნდი, განსაზღვრონ დეპარტამენტების ფუნქციები და შეადგინონ გადაღების გეგმა, თაიმლაინი და PPM;
• ჩამოაყალიბონ პროექტის ვიზუალური კონცეფცია ჟანრის, კინოენის, ვიზუალური ესთეტიკისა და Moodboard-ის გამოყენებით; შექმნან სცენის კომპოზიცია, დაგეგმონ მსახიობებისა და კამერის მოძრაობა და მოამზადონ Storyboard;
• შეარჩიონ პროექტის კონცეფციის შესაბამისი მსახიობები, დაასაბუთონ საკუთარი არჩევანი და გამოიყენონ ეფექტური კომუნიკაციისა და პრეზენტაციის მეთოდები შემოქმედებითი გადაწყვეტილებების წარსადგენად;
• ეფექტურად ითანამშრომლონ გადამღებ ჯგუფთან, გამოიყენონ სეტის პროფესიული ტერმინოლოგია და მართონ სამუშაო პროცესი პროექტის დაგეგმვის ეტაპიდან გადაღებისა და საბოლოო პროდუქტის მომზადებამდე;
• შეაფასონ მონტაჟის, ხმის დიზაინის, მუსიკის, ვიზუალური ეფექტებისა (VFX) და ფერის კორექციის როლი საბოლოო ნამუშევრის შექმნაში, ასევე სწორად იმუშაონ კლიენტისა და სააგენტოს უკუკავშირსა და ცვლილებებზე;
• გააანალიზონ ფილმების, მუსიკალური ვიდეოებისა და სარეკლამო რგოლების ვიზუალური თხრობა, გამოიყენონ ვიზუალური ანალიზის უნარები და დაასაბუთონ საკუთარი სარეჟისორო გადაწყვეტილებები;
• განსაზღვრონ პროექტის მასშტაბი, შეაფასონ სხვადასხვა დეპარტამენტის სამუშაოს სავარაუდო ღირებულება და შეადგინონ სარეკლამო პროექტის ბიუჯეტი;
• მოამზადონ და წარადგინონ სარეკლამო პროექტი, წარმოაჩინონ მისი კონცეფცია, სამუშაო სტრუქტურა და განხორციელების ეტაპები, გააანალიზონ მიღებული შედეგი და შეაფასონ საკუთარი გადაწყვეტილებების ეფექტიანობა.

სასწავლო კურსის მოთხოვნები

ინგლისური ენის ცოდნა (A2-B1).

ლექტორის პორტფოლიო

https://levanbabutsidze.myportfolio.com/