წესები და პირობები

სმარტ აკადემიის თანამედროვე სასწავლო სივრცე მაღალი ხარისხის ტრენინგ-კურსებს, ვორკშოფებსა და მასტერკლასებს სთავაზობს დაინტერესებულ აუდიტორიას. 

სმარტ აკადემიაში შექმნილი გარემო და სწავლების სტილი მოგცემთ საშუალებას პრაქტიკაში გამოიყენოთ მიღებული ცოდნა, რომელიც თქვენი პროფესიონალად ჩამოყალიბების წინაპირობა იქნება.

ტერმინების განმარტება

ლექტორი - პრაქტიკოსი ადამიანი, რომლიც სმარტ აკადემიის საბაზისო, ექსპრეს ან პროფესიონალურ კურსს უწევს ფასილიტაციას, ხოლო  კურსის მსმენელებს - მენტორობას. 

საბაზისო კურსი - საწყისი საფეხურის კურსი, რომელიც მსმენელს საშუალებას აძლევს დაეუფლოს სფეროს საფუძვლებს; 

ექსპრეს კურსი - სასწავლო კურსი, რომლის ხანგრძლივობა 1 თვეზე მეტს არ გრძელდება და კურსის მსმენელს საშუალებას აძლევს სფეროს საფუძვლებს მოკლე დროში დაეუფლოს. 

პროფესიონალური კურსი - კურსი, რომლის ხანგრძლივობაც 2-3 თვეს გრძელდება და მსმენელს საშუალებას აძლევს საფუძვლიანად შეისწავლოს კონკრეტული სფერო. 

კურსის მსმენელი - ადამიანი, რომელიც დარეგისტრირებულია და ესწრება სმარტ აკადემიის საბაზისო, ექსპრესს ან პროფესიონალურ კურსს. 

აკადემიური მოსწრება - კურსის მსმენელის მიერ მიღწეული შედეგების შეჯამებული შეფასება სმარტ აკადემიაში არსებული პროფესიონალური, საბაზისო თუ ექსპრეს კურსის მოთხოვნების შესაბამისად. 

სერტიფიკატი - კურსის დასრულების შემდეგ მსმენელის შესაბამისი განათლების დამადასტურებელი დოკუმენტი. 

* კურსის წარმატებით დასრულების სერტიფიკატის მისაღებად სტუდენტმა უნდა მოაგროვოს მინიმუმ 71 ქულა

** კურსის მინიმუმ 90 ქულაზე დასრულების შემთხვევაში, სტუდენტი დამატებით მიიღებს ლექტორის წერილობით რეკომენდაციას.

სტაჟირება - არაანაზღაურებადი შრომითი ურთიერთობა, რომელიც მყარდება სმარტ აკადემიის პროფესიონალური, საბაზისო თუ ექსპრეს კურსის წარმატებულ კურსდამთავრებულსა და სმარტ აკადემიის პარტნიორ კომპანიას შორის მინიმუმ ერთი თვის ვადით.

სმარტ აკადემიის ვალდებულებებისა და უფლებამოსილების თაობაზე

• სმარტ აკადემია ვალდებულია უზრუნველყოს ვებ-გვერდზე დადებული და სოციალურ ქსელებში განთავსებული ინფორმაციის სისწორე
• სმარტ აკადემია ვალდებულია, შეინახოს და კანონით გათვალისწინებული წესით დაამუშავოს დარეგისტრირებულ მომხმარებელთა და კურსის მსმენელთა პერსონალური მონაცემები (სახელი, გვარი, საკონტაქტო ინფორმაცია (ელ-ფოსტა, ტელეფონი), პირადი ნომერი, ფაქტიური/იურიდიული მისამართი,  საბანკო ანგარიშის რეკვიზიტები). 
• სმარტ აკადემია უფლებას იტოვებს გააუქმოს კურსი ან გადაწიოს მისი დაწყების თარიღი იმ შემთხვევაში, თუ კურსზე არ მოგროვდა მსმენელთა საჭირო რაოდენობა. 
• სმარტ აკადემია ვალდებულია უზრუნველყოს კურსის მსმენელი კვალიფიციური სწავლებითა და შესაბამისი მატერიალურ-ტექნიკური ბაზით;
• კურსის დასრულების შემდეგ სმარტ აკადემია კურსის იმ მსმენელს, რომელიც  მოაგროვებს მინიმუმ 71 ქულას, გადასცემს შესაბამისი განათლების დამადასტურებელ დოკუმენტს – სერტიფიკატს. 
• სმარტ აკადემია უფლემოსილია გააკონტროლოს მონაწილის აკადემიური მოსწრება;
• სმარტ აკადემიას უფლება აქვს მონაწილის მიერ დისციპლინური ნორმის/ნორმების დარღვევის და მონაწილის მიერ ლექციებზე დაუსწრებლობის შემთხვევაში გაატაროს სათანადო ღონისძიებები;
• სმარტ აკადემიას შეუძლია გამოაქვეყნოს  სმარტ აკადემიის ოფიციალურ სოციალურ არხებსა თუ ჯგუფებში, კურსის მსმენელთა მიერ შესრულებული ნამუშევრები;

ვებ გვერდის მომხმარებლისა და კურსის მსმენელის ვალდებულებებისა და უფლებამოსილებების თაობაზე

• ვებ-გვერდის მომხმარებელი ვალდებულია ვებ-გვერდზე განთავსებული ინფორმაცია გამოიყენოს საგანმანათლებლო ან ინფორმაციული მიზნებისთვის;
• ვებ გვერდის მომხმარებელი ვალდებულია სასწავლო კურსზე რეგისტრაციისას უზრუნველყოს მითითებული ინფორმაციის სისწორე;
• კურსის მსმენელი ვალდებულია დაიცვას სმარტ აკადემიის მიერ დადგენილი დისციპლინური მოთხოვნები, განაწესები და კურსის მსმენელთან დადებული ხელშეკრულება. 
• კურსის მსმენელი უნდა ესწრებოდეს სასწავლო ცხრილით გათვალისწინებულ ლექციებს;
• კურსის მსმენელმა უნდა გადაიხადოს სწავლის გადასახადი კურსის დაწყებამდე ერთიანად ან შეუთანხმდეს სმარტ აკადემიის ადმინისტრაციას გადახდის გრაფიკის თაობაზე, ასეთის დაშვების შემთხვევაში.;
• მონაწილე ვალდებულია დაიცვას სმარტ აკადემიის საკუთრება ფიზიკურ თუ ონლაინ შეხვედრებზე დასწრებისას. ფიზიკურ შეხვედრებზე დასწრებისას არ დააზიანოს ლეპტოპი და სხვა კომპიუტერული აქსესუარები, ხოლო ონლაინ შეხვედრების ჩანაწერი არ გაავრცელოს საჯაროდ; 
• კურსის მსმენელს აქვს უფლება, მოითხოვოს დეტალური უკუკავშირი ლექტორისგან კურსის განმავლობაში; 
• კურსის მსმენელი უფლებამოსილია მოითხოვოს გადახდილი თანხის უკან დაბრუნება სასწავლო კურსის დაწყებამდე არაუგვიანეს 5 სამუშაო დღით ადრე;