IT ტექნიკური მხარდაჭერა COMPTIA A+ კურსის მიზანია სტუდენტმა შეიძინოს ცოდნა პერსონალური კომპიუტერის არქიტექტურის, პერიფერიული მოწყობილობების, ოპერაციული სისტემების, კომპიუტერული ქსელებისა და ინფორმაციული უსაფრთხოების შესახებ, რომელიც დაეხმარება მომხმარებლებისთვის ტექნიკური მხარდაჭერის უზრუნველყოფაში. 

კურსის გავლის შემდეგ სტუდენტს ექნება ცოდნა Comptia A+ ის ორი საერთაშორისო სერტიფიკატის (220-1101, 220-1102) ასაღებად.

გამოყენებული ლიტერატურა: CompTIA A+: Guide to IT Technical Support, 11th Edition Cengage Learning. Jean Andrews, Joy Shelton, Nicholas Pierce. 

IT ტექნიკური მხარდაჭერა COMPTIA A+ კურსის მსმენელებს შეუძლიათ:

• ნებისმიერ კერძო კომპანიასა თუ სახელმწიფო დაწესებულებაში, რომელსაც აქვს კომპიუტერული ტექნიკა, ქსელი, სხვა მოწყობილობები, მხარდაჭერის სპეციალისტად დასაქმება;
• პერსონალური კომპიუტერისა და ლეპტოპის პარამეტრების ოპტიმალურ შერჩევა, შეფასება;
• ოპერაციული სისტემა Windows, Linux, macOS ინსტალაცია, გამართვა და პრობლემის აღმოჩენა/აღმოფხვრა;
• კარიერული წინსვლა შემდგომ სისტემური ადმინისტრირების, DevOps ინჟინრის ან ნებისმიერი სხვა IT მიმართულებით.

დასაქმების შესაძლო პოზიციები:

• IT ტექნიკური მხარდაჭერის სპეციალისტი (IT Support Specialist);
• სერვის დესკის სპეციალისტი (Help Desk Technician);
• სისტემური ადმინისტრატორის ასისტენტი (Junior System Administrator);
• კომპიუტერული ქსელების ტექნიკოსი (Network Technician);
• პირველი დონის უსაფრთხოების ანალიტიკოსი (Tier 1 Security Analyst);
• საოფისე ტექნოლოგიების მხარდაჭერის სპეციალისტი.

რა მოთხოვნებს უნდა ვაკმაყოფილებდე? 

• პერსონალური კომპიუტერი თუ ლეპტოპი Windows-ის ოპერაციული სისტემით, ადმინისტრატორის უფლებებით, სასურველია 8GB ან მეტი ოპერატიული მეხსიერება;
• ინგლისური ენის ცოდნა B1 დონეზე.

ლექტორის შესახებ: 

• გიორგი ბასილაია 25 წელზე მეტია ტექნოლოგიების სფეროში მუშაობს და ამ პერიოდში გაიარა გზა მკვლევრიდან უნივერსიტეტის პროფესორამდე და დამწყები ტექნიკოსიდან IT დეპარტამენტის ხელმძღვანელამდე;
• გიორგის გამოცდილება აერთიანებს როგორც აკადემიურ საქმიანობას, ისე პრაქტიკულ მენეჯერულ მუშაობას თანამედროვე ტექნოლოგიებთან. წლების განმავლობაში ის თანამშრომლობდა ისეთ გლობალურ კომპანიებთან, როგორიცაა Google, Microsoft, Amazon, IBM, Dell, HP-Enterprise, VMWare და სხვა;
• მისი საქმიანობის მიმართულებებია:
• ხელოვნური ინტელექტის გამოყენება რეალურ ამოცანებში და პროფესიულ სფეროებში;
• კიბერუსაფრთხოება და ინფორმაციული სისტემების დაცვა;
• No-Code და ავტომატიზაციის ინსტრუმენტები, რომლებიც ამარტივებს ყოველდღიურ სამუშაო პროცესებს;
• განათლების ინოვაციური მეთოდების დანერგვა.
• გიორგი არის:
• 14 სამეცნიერო სტატიის ავტორი საერთაშორისო ჟურნალებში (3388 ციტირებით Google Scholar-ის მიხედვით);
• 10 საერთაშორისო კონფერენციის მომხსენებელი;
• 18 საერთაშორისო კვლევითი პროექტისა და გრანტის მონაწილე ან ხელმძღვანელი (NATO, USAID, ERASMUS და სხვ.).

სტუდენტის კარიერის პროგრამა

Smart Academy-ის კარიერის განვითარების პროგრამა სტუდენტებს საშუალებას აძლევს, მიღებული ცოდნის პრაქტიკაში რეალიზება შეძლონ. კარიერის განვითარების პროგრამაში ჩართულობა კურსდამთავრებულებს წარმატებულ კომპანიაში, მათთვის საინტერესო პოზიციებზე დასაქმებას უმარტივებს. კარიერის განვითარების მენეჯერების მთავარი ფუნქცია და პასუხისმგებლობა სტუდენტებისთვის წარმატებული კარიერის შექმნის გზაზე მათი მხარდაჭერა და დახმარებაა. თეორიულ და პრაქტიკულ ცოდნასთან ერთად, მნიშვნელოვანია, ვიცოდეთ ჩვენი შესაძლებლობების სწორად დემონსტრირება დამსაქმებლებთან.

როგორ ვეხმარებით სმარტ აკადემიის სტუდენტებს?

კარიერული განვითარების პროგრამა რეზიუმეების შექმნას, გასაუბრებისთვის მომზადების სესიებს და სამსახურის მოძიების სტრატეგიებს მოიცავს.  მას შემდეგ რაც სტუდენტები სწავლას ასრულებენ სმარტ აკადემიაში იწყება დასაქმების აქტიური ფაზა. ჩვენი პარტნიორი კომპანიების ფართო ქსელი კურსდამთავრებულებს სთავაზობს შესაძლებლობების ფართო სპექტრს სხვადასხვა ინდუსტრიაში. დასაქმების პროცესში ვაგზავნით ტოპ კურსდამთავრებულების რეზიუმეებს და ვუწევთ რეკომენდაციას. ჩვენი კურსდამთავრებულების პოტენციურ დამსაქმებლებთან დაკავშირების გარდა, ჩვენ ასევე უზრუნველვყოფთ მუდმივ მხარდაჭერასა და კონსულტაციას დასაქმების პროცესში.

დაკავშირებული პროფესიები

სისტემური ადმინისტრატორი მხარდაჭერის სპეციალისტი IT მხარდაჭერის ტექნიკოსი CTO - ტექნოლოგიური დირექტორი