დიზაინი ყოველთვის ჩემი გატაცება იყო. მასში ვპოულობდი კრეატიულობისა და თვითგამოხატვის გზას. ჩემი მიზანი ყოველთვის იყო, საკუთარი ხელებით შემექმნა უნიკალური და საინტერესო ვებ და მობილური აპლიკაციები, ვებგვერდები, რომლებიც არა მხოლოდ ლამაზად გამოიყურებოდა, არამედ მარტივი და სასიამოვნო გამოსაყენებელიც იქნებოდა. UX/UI დიზაინი ჩემთვის არის სფერო, სადაც ტექნოლოგიები, ესთეტიკა და ადამიანების საჭიროებები ერთმანეთს ხვდება. სწორედ ამ იდეამ მომცა სურვილი, მემუშავა ისეთი გამოცდილებების შექმნაზე, რომლებიც რეალურად გაამარტივებდა და გაალამაზებდა სხვების ცხოვრებას.

UX/UI დიზაინის კურსი

UX/UI დიზაინის კურსი სმარტ აკადემიაში ჩემთვის ნამდვილად გამორჩეული გამოცდილება იყო. კურსი ძალიან საინტერესო და მრავალმხრივი აღმოჩნდა, რადგან თეორიული ცოდნის მიღებასთან ერთად დიდი აქცენტი კეთდებოდა პრაქტიკულ დავალებებზე. მასალები არაჩვეულებრივად იყო სტრუქტურირებული—თითოეული ლექცია ახალ შემეცნებით ინფორმაციას მაძლევდა და შთამაგონებდა, თანმიმდევრული დავალებები კი მიღებულ ცოდნას პრაქტიკაში გამოყენებაში მეხმარებოდა. 

ამ კურსმა რეალურად დამანახა, თუ როგორ შეიძლება დიზაინით შევქმნათ მომხმარებლისთვის მარტივი, ესთეტიკური და ეფექტური გამოცდილება. სმარტ აკადემიამ შექმნა სივრცე, სადაც ჩემი კრეატიულობა და ინტერესები სრულად განვითარდა. ეს კურსი ნამდვილად ერთ-ერთი საუკეთესო არჩევანია მათთვის, ვისაც სურს დიზაინის სფეროში პროფესიონალად ჩამოყალიბება.

კურსმა მთლიანად გაამართლა ჩემი მოლოდინები. თავიდანვე ვიცოდი, რომ ვიღებდი საფუძვლიან ცოდნას, მაგრამ ვერ წარმომედგინა, რამდენად სიღრმისეულად და პრაქტიკულად შევძლებდი დიზაინის კომპონენტების შესწავლას. 2.5 თვის განმავლობაში ვისწავლე UX/UI დიზაინის ძირითადი პრინციპები, რაც საშუალებას მაძლევს, გავაკეთო ეფექტური, მომხმარებელზე ორიენტირებული დიზაინი. გავაცნობიერე, რომ დიზაინი მხოლოდ ესთეტიკით არ შემოიფარგლება, არამედ ძირითადი ფუნქციონალურობა და მომხმარებლის გამოცდილება ბევრად მნიშვნელოვანია. ასევე, ბევრი პრაქტიკული უნარი ავიმაღლე, როგორიცაა პროტოტიპების შექმნა, ინტერფეისების სტრუქტურირება და რეალური პროექტებზე მუშაობა.  კურსი ნამდვილად კარგი ბიძგი იყო პროფესიულ განვითარებაში.

დიზაინის სფეროში გამოცდილება არ მქონდა, ამიტომ კურსი სრულად 0-დან დავიწყე. მიუხედავად იმისა, რომ ბევრი რამ ახალი იყო ჩემთვის, კურსი დამწყებთათვის იდეალურად იყო ორგანიზებული. მენტორის დახმარებით და პრაქტიკული დავალებების შესრულებით სწრაფად ავითვისე ძირითადი პრინციპები და ტექნიკები. სმარტ აკადემიის მეთოდიკა ძალიან მოსახერხებელი და ადვილად გასაგები იყო, რაც მეხმარებოდა სწავლაში და კურსის დასრულებისას უკვე საკმაოდ მტკიცე საფუძვლები მქონდა.

კურსის მსვლელობისას უამრავი პრაქტიკული დავალება შეასრულე. რა ტიპის დავალებებს აკეთებდი და რომელს გამოარჩევდი?

კურსის მსვლელობისას უამრავი პრაქტიკული დავალება შევასრულე, მაგრამ ერთ-ერთი ყველაზე საინტერესო და გამორჩეული დავალება იყო სამოგზაურო აპლიკაციის შექმნა. ეს იყო შესანიშნავი შესაძლებლობა, რომ არა მხოლოდ ვიზუალურად, არამედ ფუნქციონალურადაც შემექმნა ცოცხალი და დინამიკური პროდუქტი, რომელიც მომხმარებელს მრავალფეროვან შესაძლებლობებს შესთავაზებდა. ეს იყო სხვადასხვა ტურების დაჯავშნა, მოგზაურთა ვლოგების დათვალიერება, ახალი ტურის შექმნა და სხვებისთვის გაზიარება და სხვა.

დიზაინის პროცესში ყველაზე მნიშვნელოვანი იყო იმ ადამიანების გამოცდილების გათვალისწინება, ვინც ამ აპლიკაციას გამოიყენებდა. გადავწყვიტე, რომ ინტერფეისი ყოფილიყო სუფთა და მარტივი, სადაც ყოველი ფუნქცია თავის ადგილზე და გასაგებად იქნებოდა განლაგებული. Figma-ში დავიწყე wireframe-ების შექმნით, შემდეგ კი ვიზუალურ დიზაინზე გადავედი.

ყველაზე საინტერესო ნაწილი იყო, როცა პროტოტიპის შექმნისას აპლიკაციაში ინტერაქციული ელემენტები დავამატე. ეს იყო მომენტი, როდესაც ჩემი იდეები არა მხოლოდ ეკრანზე, არამედ რეალურ ცხოვრებაში ცოცხლდებოდა. ჩემი დიზაინი უკვე მყარი და ცოცხალი სურათი გახდა, რომელიც ყველაფერს ისევე რეალურად ავსებდა, როგორც მე ვხედავდი მას თავიდან.

მოგვიყევი ფინალური პროექტის შესახებ

ფინალური პროექტის მიზანი იყო, რომ შეგვექმნა სრულფასოვანი მობილური და ვებ აპლიკაცია სათვალეების მაღაზიისთვის, რომელიც უზრუნველყოფდა მომხმარებლისთვის მარტივ და კომფორტულ შეძენის პროცესს. პროექტი მოიცავდა მომხმარებლისთვის სასურველი სათვალეების მოძიების, შეძენის და მათ შესახებ ინფორმაციის მიღების შესაძლებლობას. საიტი და აპლიკაცია უნდა ყოფილიყო ფუნქციონალურად გამართული, ინტუიციური და ვიზუალურად მიმზიდველი, რომ მომხმარებელს განეცადა სასიამოვნო გამოცდილება შოპინგისას. 

ეს პროექტი მნიშვნელოვანი ნაბიჯი იყო ჩემთვის, რადგან ავიმაღლე დიზაინის უნარები, შევისწავლე სხვადასხვა პლატფორმაზე მუშაობა და შევქმენი პროდუქტი, რომელიც შეესაბამება მომხმარებლის საჭიროებებსა და კომფორტს.

რა გამოცდილება მიიღე ამ ხნის მანძილზე და როგორ გამოიყენებ დაგროვებულ ცოდნას მომავალში?

ამ კურსის განმავლობაში შევიძინე უდიდესი გამოცდილება, როგორც დიზაინის, ისე მომხმარებლის გამოცდილების (UX) და ინტერაქციული ფუნქციების (UI) შექმნის სფეროში. ჩემი შრომის შედეგად ვისწავლე, როგორ გავცდე მხოლოდ ვიზუალურ მხარეს და ფოკუსი გადავიტანო მომხმარებლის კომფორტზე, რათა შევქმნა ისეთი ინტერფეისები, რომლებიც არამხოლოდ ლამაზი, არამედ ფუნქციონალურადაც მარტივია. 

ამ ცოდნას მომავალში აუცილებლად გამოვიყენებ პროფესიულად, სხვადასხვა პროექტებში, სადაც აქტიურად გავამახვილებ ყურადღებას მომხმარებლის საჭიროებების და სურვილების სწორად გაგებაზე და იმ პროდუქტების შექმნაზე, რომლებიც მათ საუკეთესო გამოცდილებას შესთავაზებს. გარდა ამისა, დავგეგმავ კრეატიულ და ინოვაციურ გადაწყვეტილებებს, რომლითაც ამ პროცესს გავხდები უფრო ეფექტური და მომხმარებლისთვის კომფორტული.

რას იტყვი კურსის ლექტორის შესახებ?

დავით კოხრეიძის შესახებ შემიძლია ვთქვა, რომ იგი გამოირჩეოდა პროფესიონალიზმით, მეგობრული მიდგომით და შთამაგონებელი ენერგიით. მისი განმარტებები იყო მკაფიო და გასაგები, ხოლო პრაქტიკული მაგალითები რეალურ საჭიროებებზე მორგებული. განსაკუთრებულ ყურადღებას უთმობდა თითოეული სტუდენტის პროგრესს, რაც სწავლების პროცესს უფრო ინდივიდუალურს და შედეგზე ორიენტირებულს ხდიდა.

სმარტ აკადემია

სმარტ აკადემია არის ადგილი, სადაც განათლება ტექნოლოგიებს და ინოვაციას აერთიანებს. აკადემიის კურსები გამოირჩევა პროფესიონალური პროგრამებით, პრაქტიკაზე ორიენტირებული სწავლებით და ინდივიდუალური მიდგომით სტუდენტების მიმართ. აქ მიღებული ცოდნა არა მხოლოდ თეორიულად, არამედ რეალურ პროექტებში გამოყენებისთვის არის შექმნილი, რაც სტუდენტებს პროფესიულ განვითარებაში ეხმარება.

გაიგე მეტი UX/UI დიზაინის კურსის შესახებ.