ავეჯის კონსტრუირების კურსი
ავეჯის პროექტირება • მასალები და ფურნიტურა • საწარმოო ნახაზები • 3D ვიზუალიზაცია
ავეჯის კონსტრუირების კურსის მიზანი
ავეჯის კონსტრუირების კურსის მიზანია მონაწილეებს მისცეს ავეჯის პროექტირებისა და კონსტრუირებისთვის საჭირო თეორიული ცოდნა და პრაქტიკული უნარები. კურსის ფარგლებში სტუდენტები შეისწავლიან ავეჯის მასალებს, ფურნიტურას, კონსტრუქციულ გადაწყვეტებს, სივრცის აზომვის მეთოდებსა და Bazis Woodworker-ის გამოყენებით ავეჯის 3D მოდელირებას.
სწავლების პროცესში მონაწილეები გაეცნობიან ავეჯის წარმოების სრულ ციკლს - აზომვიდან და პროექტირებიდან საწარმოო დოკუმენტაციის მომზადებამდე, თვითღირებულების გამოთვლასა და მონტაჟამდე.
კურსის დასრულებისას სტუდენტები შეძლებენ დამოუკიდებლად შეიმუშაონ ავეჯის კონსტრუქციული პროექტები, მოამზადონ საწარმოო ნახაზები, ფურნიტურის სპეციფიკაციები, ჭრის რუკები და ტექნიკური დოკუმენტაცია.
ავეჯის კონსტრუირების კურსის შედეგები
კურსის დასრულების შემდეგ მონაწილეები შეძლებენ:
- ავეჯის კონსტრუირებისთვის საჭირო მასალების, ფურნიტურისა და კონსტრუქციული მექანიზმების შერჩევას;
- საპროექტო სივრცის აზომვას, მონაცემების დამუშავებასა და ტექნიკური შეზღუდვების გათვალისწინებას;
- ავეჯის პროექტირებას ერგონომიული და ფუნქციური მოთხოვნების შესაბამისად;
- Bazis Woodworker-ში სხვადასხვა ტიპის ავეჯის 3D მოდელირებასა და კონსტრუქციულ დამუშავებას;
- სამზარეულოს, საძინებლის, მისაღებისა და აბაზანის ავეჯის დამოუკიდებლად პროექტირებას;
- ავეჯის კონსტრუქციაში ფურნიტურის, სპეციალური მექანიზმებისა და ჩასაშენებელი ტექნიკის ინტეგრირებას;
- საწარმოო ნახაზების, დეტალირების, ფურნიტურის სპეციფიკაციებისა და ჭრის რუკების მომზადებას;
- Excel-ის გამოყენებით ავეჯის წარმოებისთვის საჭირო მასალებისა და ფურნიტურის თვითღირებულების გამოთვლას;
- პროექტში ტექნიკური და კონსტრუქციული შეცდომების გამოვლენასა და გამოსწორებას;
- ავეჯის წარმოებისა და მონტაჟის პროცესების დაგეგმვასა და ტექნიკურ ზედამხედველობას;
- დამკვეთისთვის სრული საპროექტო დოკუმენტაციის, ტექნიკური ალბომისა და ბიუჯეტის მომზადებასა და წარდგენას.
კურსის ტექნიკური წინაპირობები
Furniture Constructor
- ჯუბა რობაქიძე 2020 წლიდან პროფესიულად მუშაობს ავეჯის კონსტრუქტორის მიმართულებით. განათლება მიღებული აქვს ილიას სახელმწიფო უნივერსიტეტის არქიტექტურის ფაკულტეტზე. არქიტექტურულმა განათლებამ მნიშვნელოვანი როლი ითამაშა მის პროფესიულ ჩამოყალიბებაში და განუვითარა სივრცითი, კონსტრუქციული და ტექნიკური აზროვნება;
- პროფესიული გამოცდილება მიღებული აქვს ადგილობრივი ავეჯის წარმოების კომპანიებში - „ლაზიერი“, „გრანდი“ და „კრეადამო“, ასევე Aura Concept-ში, სადაც უშუალოდ შეხება აქვს იტალიური ავეჯის პროექტირებისა და წარმოების პროცესებთან, ტექნიკურ მოთხოვნებთან და შესაბამის სამუშაო სტანდარტებთან;
- კომპანიებში მუშაობასთან ერთად, დღემდე ახორციელებს სხვადასხვა კერძო და ინდივიდუალურ პროექტს, რაც საშუალებას აძლევს იმუშაოს დამკვეთებთან, დიზაინერებთან, ხელოსნებთან და სხვა სპეციალისტებთან;
- მისი პროფესიული კომპეტენცია მოიცავს ტექნიკურ აზომვას, ავეჯის კონსტრუირებას, მასალებისა და ფურნიტურის შერჩევას, კონსტრუქციული კვანძების დამუშავებას ტექნიკური დოკუმენტაციის მომზადებას და ობიექტზე საჭირო რეკომენდაციების გაცემას;
- პროფესიულ საქმიანობაში იყენებს BAZIS Woodworker, 3CAD Evolution, IMOS, Metron და Archicad პროგრამებს;
- მისი მიზანია პრაქტიკული გამოცდილება და პროფესიული ცოდნა მომავალ კონსტრუქტორებს გადასცეს და დაეხმაროს მათ რეალურ სამუშაო გარემოში დამოუკიდებლად მუშაობისთვის საჭირო კომპეტენციების განვითარებაში.
Smart Academy-ის კარიერის განვითარების პროგრამა სტუდენტებს საშუალებას აძლევს, მიღებული ცოდნის პრაქტიკაში რეალიზება შეძლონ.
კარიერის განვითარების პროგრამაში ჩართულობა კურსდამთავრებულებს წარმატებულ კომპანიაში, მათთვის საინტერესო პოზიციებზე დასაქმებას უმარტივებს.
კარიერის განვითარების მენეჯერების მთავარი ფუნქცია და პასუხისმგებლობა სტუდენტებისთვის წარმატებული კარიერის შექმნის გზაზე მათი მხარდაჭერა და დახმარებაა. თეორიულ და პრაქტიკულ ცოდნასთან ერთად, მნიშვნელოვანია, ვიცოდეთ ჩვენი შესაძლებლობების სწორად დემონსტრირება დამსაქმებლებთან.
კარიერული განვითარების პროგრამა რეზიუმეების შექმნას, გასაუბრებისთვის მომზადების სესიებს და სამსახურის მოძიების სტრატეგიებს მოიცავს. მას შემდეგ რაც სტუდენტები სწავლას ასრულებენ სმარტ აკადემიაში იწყება დასაქმების აქტიური ფაზა.
ჩვენი პარტნიორი კომპანიების ფართო ქსელი კურსდამთავრებულებს სთავაზობს შესაძლებლობების ფართო სპექტრს სხვადასხვა ინდუსტრიაში. დასაქმების პროცესში ვაგზავნით ტოპ კურსდამთავრებულების რეზიუმეებს და ვუწევთ რეკომენდაციას.
კურსდამთავრებულების პოტენციურ დამსაქმებლებთან დაკავშირების გარდა, ჩვენ ასევე უზრუნველვყოფთ მუდმივ მხარდაჭერასა და კონსულტაციას დასაქმების პროცესში.
კონსულტაციისთვის დაგვიკავშირდი 591 67 00 67