პროექტის ერთ-ერთი ძირითადი ეტაპი იყო ელჩებისთვის განკუთვნილი ონბორდინგ ტრენინგები, რომელიც მიზნად ისახავდა მათი პროფესიული უნარებისა და პროექტში ჩართულობის გაძლიერებას.

ტრენინგების სესია მოიცავდა შემდეგ თემებს:

გაცნობითი სესია — ვისაუბრეთ სმარტ აკადემიის მისია-ხედვაზე, ელჩის როლზე და იმ ღირებულებებზე, რომელსაც ჩვენი ორგანიზაცია იზიარებს.

პროფესიები (I ნაწილი) — მონაწილეები გაეცნენ მარკეტინგისა და დიზაინის სფეროს სპეციფიკებს.

პროფესიები (II ნაწილი) — მონაწილეები გაეცნენ ინფორმაციული ტექნოლოგიებისა და მენეჯმენტის სფეროს სპეციფიკებს.

საოფისე ტრენინგი — შეისწავლეს ისეთი პრაქტიკული ინსტრუმენტების ეფექტურად გამოყენება, როგორებიცაა Google-ის პროდუქტები, Canva და PPT.

ეფექტური პროფესიული პროფილი — სესიები დაეთმო კონკურენტუნარიანი CV-ს შექმნასა და LinkedIn პროფილის ოპტიმიზაციას.

კარიერული კონსულტაცია — ვისაუბრეთ კარიერული კონსულტაციის ბაზისებზე: DISC მეთოდოლოგია, პროფესიის არჩევაში პიროვნული პროფილის მნიშვნელობა, ინტერესების დადგენა.

ტრენინგების შემდეგ კი, კანდიდატებს ჩაუტარდებათ ტესტირება, რის შემდეგაც ოფიციალურად გახდებიან სმარტ აკადემიის ელჩები.

რა გველოდება წინ?

ტესტირების წარმატებით გავლის შემდეგ, სმარტ აკადემიის ელჩები დაიწყებენ აქტიურ საქმიანობას საკუთარ რეგიონებში.

ელჩები, სმარტ აკადემიის გუნდთან ერთად, ჩაატარებენ საინფორმაციო შეხვედრებს, რომელთა მიზანია საზოგადოებაში ცნობიერების ამაღლება - ციფრული პროფესიების, კარიერული განვითარების და თანამედროვე დასაქმების შესაძლებლობებზე.

სმარტ აკადემიის ელჩები იქნებიან ადგილობრივი ცვლილებების ინიციატორები — ისინი ჩაატარებენ სხვადასხვა ტიპის ინფორმაციულ-პრაქტიკულ აქტივობებს, გაუწევენ კონსულტაციას რეგიონული ჰაბის წევრებს, გაუზიარებენ ციფრულ რესურსებს და დაეხმარებიან შესაფერისი კარიერული გზის არჩევაში.

სმარტ აკადემიის ელჩობა ნიშნავს იყო ლიდერი ცვლილებების გზაზე - ეს არის თანამეგობრობა, მხარდაჭერა და საერთო მიზნისკენ სვლა.

მადლობა ყველა მონაწილეს, მენტორს და პარტნიორს, ვინც დრო, ენერგია და იდეები არ დაიშურა ჩვენი საერთო მიზნისთვის. 

განსაკუთრებული მადლობა მათ, ვინც რეგიონში სიახლეების შეტანის სურვილით ჩვენი ამბავი სხვებთანაც გააზიარა - თქვენი მხარდაჭერა ფასდაუდებელია.

წინ კიდევ ბევრი საინტერესო ეტაპი გველოდება!