BASIC OF PYTHON AND FLASK FRAMEWORK

BASIC OF PYTHON AND FLASK FRAMEWORK კურსის მიზანია მსმენელებს მისცეს Python პროგრამირების საფუძვლიანი თეორიული და პრაქტიკული ცოდნა და განუვითაროს Flask ფრეიმვორკის გამოყენებით ვებაპლიკაციების შექმნის უნარები. კურსის ფარგლებში მონაწილეები შეისწავლიან მონაცემთა დამუშავებას, API-ებთან და მონაცემთა ბაზებთან მუშაობას, AI ინსტრუმენტების ინტეგრაციასა და აპლიკაციების რეალურ გარემოში განთავსებას. პრაქტიკული პროექტების საშუალებით შეძლებენ მიღებული ცოდნის გამოყენებას დამოუკიდებლად.

სასწავლო კურსის შედეგები

კურსის დასრულების შემდეგ მსმენელი შეძლებს:

• გამოიყენოს Python-ის ძირითადი სინტაქსი, მონაცემთა ტიპები, სტრუქტურები, ფუნქციები და OOP პრინციპები;
• შექმნას Python-ის პროგრამები, დაამუშაოს მონაცემები და იმუშაოს ფაილებთან, JSON და CSV ფორმატებთან;
• გამოიყენოს Python-ის ძირითადი ბიბლიოთეკები, მათ შორის Pandas, Matplotlib, Requests და BeautifulSoup;
• იმუშაოს HTTP-თან და REST API-ებთან და გამოიყენოს API-ები Python აპლიკაციებში;
• შექმნას ავტომატური ტესტები pytest-ის გამოყენებით და გამოიყენოს AI ტესტების შექმნისა და კოდის გაუმჯობესებისთვის;
• შექმნას ვებ-აპლიკაციები Flask Framework-ის გამოყენებით;
• შექმნას და მართოს მონაცემთა ბაზა Flask აპლიკაციაში და განახორციელოს CRUD ოპერაციები;
• შექმნას REST API-ები Flask-ის გამოყენებით და განახორციელოს მათი ტესტირება;
• გამოიყენოს OpenAI-ისა და Anthropic-ის LLM API-ები Python აპლიკაციებში;
• შექმნას AI ფუნქციონალის მქონე Flask აპლიკაცია, მათ შორის ჩატბოტი, ტექსტის შეჯამების ან კლასიფიკაციის სერვისი;
• გამოიყენოს Git და GitHub პროექტების მართვისა და ვერსიების კონტროლისთვის;
• განათავსოს შექმნილი ვებ-აპლიკაცია ინტერნეტში და გამოიყენოს deployment-ის ძირითადი ინსტრუმენტები;
• გამოიყენოს AI აგენტები კოდის წერისა და განვითარების პროცესში ეფექტიანად და პასუხისმგებლიანად.

სასწავლო კურსის მოთხოვნები

სტუდენტი უნდა ფლობდეს ინგლისურ ენას იმ დონეზე, რომ შეძლოს ინგლისურენოვანი მასალის წაკითხვა და გარჩევა.