ვიზუალური ბრენდინგის არტ-დაირექშენის კურსის მიზანია სტუდენტებმა დაინახონ მეტი შესაძლებობები დიზაინის პროცესში, აიმაღლონ კრეატიული ფიქრის უნარი და უფრო ნათლად და ორგანიზებულად შეძლონ გაუძღვნენ სხვადასხვა სირთულის დიზაინ პროცესებს, როგორც მარტო, ასევე,  გუნდთან მუშაობის დროს. 

სასწავლო კურსის შედეგები

ვიზუალური ბრენდინგი და არტ დაირექშენის კურსის მსმენელებს ეცოდინებათ და შეძლებენ: 

• კრეატიული ფიქრის მნიშვნელობა და ამის მეშვეობით თამამი და საჭირო დიზაინ გადაწყვეტილებების მიღება სამუშაო პროცესში;
• სხვადასხვა ხასიათის ბრიფზე და ტექნიკაზე მუშაობის პრინციპები;
• ბრენდის ვიზუალურ კონცეფციაზე მუშაობა;
• ერთი შეხედვით მარტივი მოცემულობებისა და იდეების საინტერესოდ გაშლა;
• ბრენდის ლოგოსა და ვიზუალური იდენტობის შემუშავება;
• არტ-დირექტორისთვის საჭირო ტექნიკური და თეორიული უნარების გამომუშავება.

სასწავლო კურსის მოთხოვნები:

• სტუდენტს აუცილებლად უნდა ჰქონდეს სამუშაო გამოცდილება გრაფიკული დიზაინის მიმართულებით;
• კარგად უნდა ფლობდეს  გრაფიკულ პროგრამებს (Adobe Photoshop, Adobe Illustrator), რათა შეძლოს სხვადასხვა სირთულის პრაქტიკული დავალებების კარგად შესრულება;
• სასურველია გამართული სამუშაო ლეპტოპი;
• ინგლისური ენის საბაზისო ცოდნა, რათა მარტივად გაერკვეს ინდუსტრიაში არსებულ ტერმინოლოგიაში.

ლექტორის შესახებ:

• ანნა გუგუტიშვილი არის არტ დირექტორი და გრაფიკული დიზაინის გუნდის ხელმძღვანელი Flutter (Adjarabet)-ში;
• მას აქვს ქართულ და საერთაშორისო პროექტებსა და კომპანიებთან მუშაობის 15+ წლიანი გამოცდილება;
• ანნას აქვს პერსონალური დიზაინ სივრცე - გრაფიკა;
• ის არის კანის ლომების კრეატიული ფესტივალის გამარჯვებული საქართველოში;
• ანნას აქვს გამორჩეული ნამუშევრები სხვადასხვა პრინტ და ციფრულ მედიაში.
• ანნა გუგუტიშვილის პორტფოლიო

სტუდენტის კარიერის პროგრამა

რა არის კარიერის განვითარების პროგრამა?

Smart Academy-ის კარიერის განვითარების პროგრამა სტუდენტებს საშუალებას აძლევს, მიღებული ცოდნის პრაქტიკაში რეალიზება შეძლონ. კარიერის განვითარების პროგრამაში ჩართულობა კურსდამთავრებულებს წარმატებულ კომპანიაში, მათთვის საინტერესო პოზიციებზე დასაქმებას უმარტივებს. კარიერის განვითარების მენეჯერების მთავარი ფუნქცია და პასუხისმგებლობა სტუდენტებისთვის წარმატებული კარიერის შექმნის გზაზე მათი მხარდაჭერა და დახმარებაა. თეორიულ და პრაქტიკულ ცოდნასთან ერთად, მნიშვნელოვანია, ვიცოდეთ ჩვენი შესაძლებლობების სწორად დემონსტრირება დამსაქმებლებთან.

როგორ ვეხმარებით სმარტ აკადემიის სტუდენტებს?

კარიერული განვითარების პროგრამა რეზიუმეების შექმნას, გასაუბრებისთვის მომზადების სესიებს და სამსახურის მოძიების სტრატეგიებს მოიცავს.  მას შემდეგ რაც სტუდენტები სწავლას ასრულებენ სმარტ აკადემიაში იწყება დასაქმების აქტიური ფაზა. ჩვენი პარტნიორი კომპანიების ფართო ქსელი კურსდამთავრებულებს სთავაზობს შესაძლებლობების ფართო სპექტრს სხვადასხვა ინდუსტრიაში. დასაქმების პროცესში ვაგზავნით ტოპ კურსდამთავრებულების რეზიუმეებს და ვუწევთ რეკომენდაციას. ჩვენი კურსდამთავრებულების პოტენციურ დამსაქმებლებთან დაკავშირების გარდა, ჩვენ ასევე უზრუნველვყოფთ მუდმივ მხარდაჭერასა და კონსულტაციას დასაქმების პროცესში.

დაკავშირებული პროფესიები

გრაფიკული დიზაინერი ბრენდის მენეჯერი ილუსტრატორი კრეატიული დირექტორი ბრენდის სტრატეგი გრაფიკული ილუსტრატორი ბრენდინგის დიზაინერი არტ დირექტორი